المتابعون

الثلاثاء، 8 أكتوبر، 2013

دوبيت عن شهداء سبتمبر


ﻳﺎ ﻭﺍﻟﺪﺓ ﺃﻋﻔﻴﻠﻲ .. ﻭﻋﺪﻱ ﺍﻟﻘﻄﻌﺘﻮ ﻣﻌﺎﻙ
ﺇﻧﻮ ﺍﻟﻜﻼﻡ ﻣﻤﻨﻮﻉ .. ﻓﻲ ﺷﻠﺔ ﺍﻟﺤﻜﺎﻡ
ﻳﺎ ﻭﺍﻟﺪﺓ ﺩﻣﻲ ﺑﻔﻮﺭ .. ﻟﻤﺎ ﺍﻟﺒﻠﺪ ﺗﻐﻠﻲ
ﻟﻤﺎ ﺍﻟﻌﺴﺎﻛﺮ ﺩﻳﻞ .. ﺍﻟﺸﻮﻫﻮ ﺍﻹﺳﻼﻡ
ﺟﺎﻳﺒﻴﻦ ﺗﻔﺎﻫﺎﺗﻢ .. ﺳﺠﻨﻮﻧﺎ ﺑﺈﺳﻢ ﺍﻟﺪﻳﻦ
ﺣﺮﻗﻮﻧﺎ ﺑﺈﺳﻢ ﺍﻟﺪﻳﻦ .. ﺣﻘﺮﻭﻧﺎ ﺑﺈﺳﻢ ﺍﻟﺪﻳﻦ
ﻛﺘﻠﻮﻧﺎ ﺑﺈﺳﻢ ﺍﻟﺪﻳﻦ .. ﺍﻟﺪﻳﻦ ﺑﺮﺉ ﻳﻤﺔ
ﺍﻟﺪﻳﻦ ﺑﻘﻮﻝ ﺍﻟﺰﻭﻝ .. ﺇﻥ ﺧﻠﻰ ﺣﻘﻮ ﻳﻤﻮﺕ .. ﺑﻴﺨﺎﻭﻱ ﻓﻲ ﺷﻴﻄﺎﻥ
ﺍﻟﺪﻳﻦ ﺑﻘﻮﻝ ﺗﻤﺮﻕ .. ﻣﺎ ﻗﺎﻝ ﻧﺸﻴﻞ ﺳﺎﻃﻮﺭ
ﻧﻤﺮﻕ ﻧﻘﻴﻒ ﻓﻲ ﺍﻟﻀﺪ .. ﻭﻧﻮﺍﺟﻪ ﺍﻟﺤﻜﺎﻡ
ﺍﻟﺪﻳﻦ ﺑﻘﻮﻝ ﺍﻟﺰﻭﻝ .. ﺇﻥ ﺷﺎﻑ ﻏﻠﻂ ﻣﻨﻜﺮ
ﻣﺎ ﻳﻨﻜﺘﻢ ﻳﺴﻜﺖ .. ﺑﺒﻘﻰ ﺍﻟﻐﻠﻂ ﺳﺘﻴﻦ
ﻛﻮﺯ ﺍﻟﺴﺠﻢ ﺑﻴﻐﺮﻑ .. ﻓﻲ ﺧﻴﺮﻧﺎ ﻭﻳﺘﻤﺘﻊ
ﻧﺤﻦ ﺍﻟﺴﻘﻴﻨﺎ ﺍﻟﻨﻴﻞ .. ﻣﻦ ﺩﻣﻨﺎ ﺍﻟﻔﺎﻳﺮ
ﻣﺎ ﺑﻨﻨﻜﺘﻢ ﻧﺴﻜﺖ .. ﻓﻲ ﻭﺵ ﻋﻤﻴﻞ ﺟﺎﻳﺮ
ﺍﻟﺨﻮﻑ ﻋﺪﻳﻢ ﺍﻟﺴﺎﺱ .. ﻭﺃﻧﺎ ﺟﺪﻱ ﺗﺭﻫﺎﻗﺎ
ﺣﺒﻮﺑﺘﻲ ﻛﻨﺪﺍﻛﺔ .. ﻭﻋﺒﺪ ﺍﻟﻔﻀﻴﻞ ﺍﻟﻤﺎﻅ
ﻓﺮﺍﺱ ﺑﺸﻴﻠﻮ ﺍﻟﺮﺍﺱ .. ﻋﻴﺸﺘﻨﺎ ﺻﺒﺤﺖ ﻫﻢ .. ﻭﺃﻧﺎ ﻣﺸﺘﻬﻲ ﺍﻷﻋﺮﺍﺱ
ﻳﻤﺔ ﺍﻟﺸﺒﺎﺏ ﺑﺤﻴﻮ .. ﻭﺃﻧﺎ ﺑﺎﻟﺴﻜﻮﺕ ﻣﻴﺖ
ﻫﺰﺍﻉ ﻭﺳﻨﻬﻮﺭﻱ .. ﺃﻳﻤﻦ ﻭﻟﻲ ﺍﻟﺪﻳﻦ
ﺣﺎﺯﻡ ﻭﻓﺎﺀ ﺃﺣﻤﺪ .. ﺩﻳﻞ ﻛﻠﻬﻢ ﺣﻴﻴﻦ
ﺃﻛﺮﻡ ﺻﻬﻴﺐ ﺃﺣﻤﺪ .. ﻭﻣﺤﻤﺪ ﺍﻟﺨﺎﺗﻢ
ﻣﺎﺯﻥ ﻣﻨﻰ ﻭﻋﺎﺻﻢ .. ﻻﺑﺴﻴﻦ ﺣﺮﻳﺮ ﺃﺧﻀﺮ
ﺳﻨﺪﺱ ﻭﺇﺳﺘﺒﺮﻕ .. ﻭﺃﻧﺎ ﺟﻠﺪﻱ ﺑﺘﻔﺮّﻕ
ﺳﺎﻛﺖ ﻭﺑﺘﻔﺮﺝ .. ﻭﺃﻡ ﺩﺭ ﻋﺮﻭﺱ ﺍﻟﻨﻴﻞ
ﻻﺑﺴﺔ ﺍﻟﺮﺣﻂ ﻭﺍﻟﺤﻖ .. ﻣﻠﻴﺎﻥ ﺑﺨﻮﺭ ﻭﻟﺒﺎﻥ
ﻭﻳﺰﻏﺮﺩﻥ ﻧﺴﻮﺍﻥ .. ﻟﻠﻜﻞ ﻳﻮﻡ ﻋﺮﺳﺎﻥ
ﻭﺍﻧﺎ ﻳﻤﺔ ﺩﻣﻲ ﺑﻔﻮﺭ .. ﻣﺎ ﺑﻨﻜﺘﻢ ﻭﺃﺳﻜﺖ .. ﺇﻻ ﺍﻟﻌﺴﺲ ﺩﻩ ﻳﻐﻮﺭ ..
ﺇﻥ ﻛﺎﻥ ﺳﺠﻦ ﻳﻤﺔ .. ﺳﺠﻨﺎً ﻳﻜﻮﺳﻮ ﺭﺟﺎﻝ
ﺳﺠﻨﺎً ﻣﻼﻥ ﺛﻮﺍﺭ .. ﻣﺎ ﻗﺎﻟﻮﺍ ﻓﻴﻮ ﺳﺮّﺍﻕ
ﻣﺎ ﺃﻧﺪﺱ ﻓﻴﻮ ﺧﺎﺋﻦ .. ﻣﺎﻓﻴﻬﻮ ﻭﻟﺪﺍً ﻋﺎﻕ
ﻓﻴﻬﻮ ﺍﻟﺸﺮﻑ ﺫﻣﺔ .. ﻓﻴﻬﻮ ﺍﻟﻐﺒﺎﺵ ﺩﻓﺎﻕ
ﺍﻟﻀﺎﻕ ﻟﻬﻴﺐ ﺍﻟﺸﻤﺲ .. ﺭﺍﺡ ﻳﻘﻬﺮ ﺍﻟﺮﻗﺮﺍﻕ
ﻭﺇﻥ ﻛﻨﺘﻲ ﺧﺎﻳﻔﺔ ﺍﻟﻤﻮﺕ .. ﻳﻤﺔ ﺍﻟﺮﺟﺎﻝ ﺃﺣﺮﺍﺭ
ﺷﻦ ﻓﺎﻳﺪﺓ ﺍﻟﻌﻴﺸﺔ .. ﻭﺍﻟﺮﻭﺡ ﻣﻮﻟﻌﺔ ﻧﺎﺭ
ﺍﻟﻄﻠﻘﺔ ﻳﻤﺔ ﺟﻮﺍﺯ .. ﻟﻲ ﺣﻘﻨﺎ ﺍﻟﻤﻘﻠﻮﻉ
ﺍﻟﻄﻠﻘﺔ ﻳﻤﺔ ﺧﻼﺹ .. ﻟﻲ ﺯﻭﻝ ﺧﻼﺹ ﻣﻮﺟﻮﻉ
ﺍﻟﻄﻠﻘﺔ ﻳﻤﺔ ﻃﻠﻮﻉ .. ﻣﻦ ﺫﻝ ﻣﻬﺎﻧﺔ ﻭﺟﻮﻉ .. ﻓﻲ ﻇﻞ ﻣﺼﻴﺮ ﻣﺠﻬﻮﻝ
ﺍﻟﻄﻠﻘﺔ ﻳﻤﺔ ﻏﺴﻮﻝ
ﺍﻟﻄﻠﻘﺔ ﻳﻤﺔ ﺛﻤﻦ .. ﻟﻲ ﻛﻠﻤﺔ ﺳﻤﺤﺔ ﻭﻗﻮﻝ
ﺍﻟﻄﻠﻘﺔ ﻳﻤﺔ ﺣﻴﺎﺓ .. ﻟﻲ ﺯﻭﻝ ﺟﺮﻳﺢ ﻣﻘﺘﻮﻝ
ﺯﻱ ﻭﺧﺰﺓ ﺍﻟﺸﻮﻛﺔ .. ﺃﻗﺼﺮ ﻛﻤﺎﻥ ﻓﻲ ﺍﻟﻄﻮﻝ
ﻗﺎﻝ ﺍﻟﻤﻨﺎﺿﻞ ﻳﻮﻡ .. ﺍﻟﻄﻠﻘﺔ ﻣﺎ ﺑﺘﺤﺮﻕ .. ﺑﻴﺤﺮﻕ ﺳﻜﺎﺕ ﺍﻟﺰﻭﻝ


Mohammed Saif




هناك تعليق واحد:

  1. عزيزي العميل هل لديك منزل او فلا او بنايه كامله وتحتاج الي تنظيفها تنظيف كامل علي اعلي مستوي من الجوده والاحترافيه شركة شام للخدمات المنزليه عندها الحل والتي تقدمه تحت اسم
    شركة تنظيف فلل بلدمام
    فلا تقلق ولا تحتار شركة شام هي افضل اختيار .

    ردحذف